Urriaren 14an, arratsaldeko hiruretan, 3. mailakook haurren eskubideen eta arduren inguruan zer dakigun ikusteko eta gehiago ikasteko aukera paregabea izan genuen.
“Calcuta ondoan” elkartekoak izan genituen bisitan eta Indiako umeen egoeraren berri eman ziguten besteak beste. Haurren eskubideak eta ardurak zeintzuk diren birpasatu genuen eta munduan guztiak betetzen diren edo ez egiaztatu ahal izan genuen.
Bestalde, marrazki eta ipuin lehiaketa batean parte hartzera gonbidatu gintuzten. Eta parte hartzeagatik bakarrik, Indian lehiaketa berean parte hartu duen haur batek egindako marrazkia jasoko dugula kontatu ziguten.
Gauza asko ikasi genituen, sentsazio ugari izan genituen eta oso ondo pasa genuen.
Hona hemen argazki batzuk:
Calcuta Ondoan GGKE, Gipuzkoan 1999. urtean sortutako irabazi asmorik gabeko elkartea da.
Calcuta Ondoanen XEDEA laguntza humanitarioa ematea eta garapenerako proiektuak sustatzea da, Indiako pertsona eta taldeen sustapen integralerako, beti ere gizakiaren eta herriaren nortasuna eta erlijioa errespetatuz eta giza eskubideak eta genero ekitatea bermatuz.
Gure ingurune hurbilean bazterketa, injustizia eta Hegoaldeko herrialdeen pobretze egoeraren zergatien, ondorioen eta erantzunkidetasunaren inguruko kontzientzia konprometitua eta kritikoa sustatzen dugu.
Era berean, ikuspegi positibo batetik habiatuz, solidaritatea, kultur arteko aniztasunaren aberastasuna eta desberdinarekiko errespetua indartzen ditugu.
“AHOTS TXIKIAK, ALDAKETA HANDIAK” BIGARREN LEHIAKETA
Dagoeneko abian duzue “Ahots txikiak, aldaketa handiak” ipuin eta marrazkien bigarren lehiaketa; horren bidez aukera eman nahi diegu 8 eta 12 urte bitarteko neska-mutilei haurren eskubideen eta genero-ekitatearen inguruan dituzten kezkak, interesak eta nahiak ager ditzaten.
Bigarren lehiaketan honetan ere Indiako neska-mutilek parte hartuko dute, aurrekoan egin zuten bezalaxe.
Gutxi gorabehera, XIX. mendearen erdialdean sortu zen Santo Tomas e-guneko ospakizuna. Maizterrak hirira joaten ziren beren lurren errenta ordain- tzera; hirira jaistean, berek landutako produktuak saldu, eta baserrietan ez zituzten beste produktu batzuk erosteko aprobetxatzen zuten. Gipuzkoan baserritarrak bere lurren jabeei beraien produktuak saltzen zieten dirua atera ahal izateko. Diru horrekin txerria erosi hazi eta hil egiten zuten txistorra egin ahal izateko bere lurren jabeentzat. Eta gero Gipuzkoa osoan zabaldu zen. Hortik sortu zen Santo Tomas azoka. Ohitura hori mantentzeko, gaur egun, a-benduaren 21a festa-eguna da Errenterian.
