Oarsoaldeko Euskara Batzordeak gazteei zuzenduriko SMS lehiaketaren 5. edizioa jarri du abian. Aurten ere otsailetik martxora izango da eta aurrerantzean ere hala izango dela iragarri du.
Parte-hartzaileak: 18 urtetik beherako Euskal Herriko ikasle guztiak.
Gaia: Parte-hartzaileek, gustuko pertsona kontzertura, zinemara… gonbidatzeko mezua idatzi beharko dute euskaraz (gehienez 30 karaktere edo joaldi).
Nola bidali: Parte-hartzaileek nahi adina esaldi bidali ahal izango dituzte SMS, posta elektroniko edo http://www.oarsoarrak.net/-en bidez.
Nora bidali: Zure esaldia 660 387 044 telefonora (mezuaren prezioa gutxi gora-behera 0,15 €) edo sms@oarsoaldea.net -era.
Epea: Otsailaren 18tik martxoaren 18ra.
Saria: 300 €ko erosketa txartela Oarsoaldeko dendetan gastatzeko.
Epai-mahaia: Eskualdeko DBH-4ko ikasleek aukeratuko dute SMS / esaldi irabazlea.
Sari-ematea: Apirilaren 1ean egingo den prentsa agerraldian jakinaraziko da zein den SMS / esaldi irabazlea eta bertan egingo da sari-ematea.
Lerro hauen bidez, Oarsoaldeko Euskara Batzordeak lehiaketan parte hartzera animatu nahi ditu Errenteria, Lezo, Oiartzun eta Pasaiako 18 urtetik beherako gazte guztiak.
iruzkinik ez:
Argitaratu iruzkina