2018(e)ko maiatzaren 31(a), osteguna
UDARAKO IRAKUR GIDAK
Urtero legez, BEGEL , Gipuzkoako Eskola Liburutegiko blogetik, Udarako irakur gida proposatzen digute. Euskaraz gaztelaniaz eta ingelesez argitaratutako libruak dituzue. Adinaka sailkatuta daude eta denak dira interesgarriak.
2018(e)ko maiatzaren 9(a), asteazkena
HEZITZAILE ESKOLA: “Elkarrizketarako eta Gatazkak konpontzeko trebetasunak” monografikoa
Errenteriako Udaleko Gazteria azpisailak antolatu duen Hezitzaile Eskola programaren zazpigarren saioa izango da hilaren 19an goizeko 10:00 – 13:00 bitarte Merkatuzarreko balioanitz gelan.
Hain zuzen ere, “Elkarrizketarako eta Gatazkak konpontzeko trebetasunak” lelopean monografikoa izango da GEUZen eskutik.
Aisialdian haur eta nerabeekin lanean diharduten hezitzaileek izena eman dezakete maiatzaren 17a arte hezkuntza@errenteria.eus helbidera idatziz edo 943449606 ala 637589956 telefonoetara deituz.
Informazio gehiago nahi izanez gero gazteria.errenteria.eus web orria kontsulta daiteke.
Saioa euskaraz eta doakoa izango da.
2018(e)ko apirilaren 23(a), astelehena
LIBURUAREN NAZIOARTEKO EGUNA
Gaur, apirilaren 23; Liburuaren nazioarteko eguna ospatzen da. Egun honekin bat eginez mundu mailan ekintza asko ospatzen dira.
Koldo Mitxelena ikastetxean urtean zehar liburutegira hurbiltzeko aukera guztiak probexten ditugu. Aurreko astean gure ikasletxeko bigarren mailako ikasleek aukera izan zuten.
2018(e)ko apirilaren 20(a), ostirala
ATENAS WORDL BOOK CAPITAL 2018
munduko liburu hiriburua aukeratzen dute. Aurtengoa Atenas da eta bere agintaldia apirilaren 23an hasiko da.
Bere jardueren kalitateagatik hautatu dute aurten Atenas. Helburua liburuak guztion eskuragarria izatea da, etorkin eta errefuxiatuak barne.
Bide batez, "La Casa de Tomasa"k urtero proposatzen dituen 20 ipuin/liburu onenen zerrenda dakarzuegu, Liburu egunerako opari on bat izan daitekeelakoan.
2018(e)ko apirilaren 13(a), ostirala
ADIMEN EMOZIONALA
Hona Hemen MARTA MAZA OTERO Donostiako Haur Liburuaren Dokumentaziogunea
liburuzainak egindako proposamena
Hilabete honetan irakurzaletasuna eta emozionen arteko lotura haintzat hartuko dugu, literatura bide ezin hobea izan bait daiteke barne-prozesu emozionalak lantzeko.
Alde batetik adimen emozionalak garrantzitsua da haurren garapen orekatuan. Hau da: norberaren eta besteen emozioak ulertzea, emozioak azaltzen eta bideratzen ikastea, gatazkak era onean konpontzea, besteenganako begirunea eta solidaritatea.
Bestaldetik, irakurtzeak aukera ematen du norberaren buruarekin gogoeta egiteko, bai eta beste batzuekin batera irakurritakoaren gaineko ideiak, emozioak, iritziak, sentimenduak eta sentsazioak partekatzeko ere. (Eusko Jaurlaritza: Irakurketa lantzeko orientabideak, Lehen Hezkuntza, 2013, pdf. 40.orr.)
Apirilak 24an, Juan Carlos Alonso psikologoak, ipuin klasikoak eta egungo ipuinak erabilita, haur literaturaren balioari buruzko tailerra eskainiko du agresibitate gaia lantzeko eta indarkeriari literaturak emandako trataeri buruzko hausnarketa egiteko.
Informazio gehiago: Donostiako Haur Liburutegi Nagusian, https://www.donostiakultura.eus/index.php?option=com_flexicontent&view=items&cid=33&id=69812&Itemid=186&lang=eu
Honen inguruan hona hemen:
* “Indarkeria eta haur ipuina” gaiari buruzko Irakurketa gida (2018)
https://issuu.com/dk_liburutegiak/docs/2018_04_indarkeria_haur_literatura_
* Adimen emozionalari buruz liburu-sorta bat hautatu dugu, hezitzaile eta gurasoentzat:
. Laborda, Yvonne: Dar voz al niño : ser los padres que nuestros hijos necesitan. Yvonne Laborda, 2017. ISBN 978-84-617-7408-1
. López González, Luis: Educar la interioridad. Barcelona: Plataforma, 2015. ISBN 978-84-16429-24-0
. Peñalver, Clara (1983-): Cuentos para educar con inteligencia emocional : los niños de colores. Barcelona : Beascoa, 2015. ISBN 978-84-488-4264-2
. Educación emocional en el aula : propuestas didácticas para niños de 6 a 12 años / María José Bruj Pereda . Barcelona: Horsori, 2014. ISBN 9788415212232
. Recursos para educar en emociones : de la teoría a la acción / coord. Remedios González Barrón. Madrid : Pirámide, 2014 . ISBN 978-84-368-3260-0
.Gutiérrez, Ana: Los niños, el miedo y los cuentos : cómo contar cuentos que curan. Bilbao : Desclée de Brouwer, 2011. ISBN 978-84-330-2512-8
. Lantieri, Linda : Inteligencia emocional infantil y juvenil : ejercicios para cultivar la fortaleza interior en niños y jóvenes. +2 CDs. Madrid: Aguilar, 2009.ISBN 978-84-03-09998-2
.Aritzeta, Aitor: Emozioak eta heziketa. Donostia : Erein, D.L. 2008. ISBN 978-84-9746-463-5
. Ibarrola, Begoña (1954-): Musika, jaio aurretik : emozio-hezkuntza, jaio aurreko etapan. +CD. Bilbo : IKASMINA, 2008. ISBN 978-84-9855-088-7
.Ibarrola, Begoña (1954-): Balioa naiz bilduma.
.Ibarrola, Begoña (1954-): Sentipuinak bilduma.
. Vallés Arándiga, Antonio : La inteligencia emocional de los padres y de los hijos. Madrid : Pirámide, 2008. ISBN 978-84-368-2169-7
. Ortín, Bernardo: Cuentos que curan : conocernos mejor con el poder terapeútico de los cuentos. Barcelona : Océano, 2005. ISBN 84-7556-225-6
2018(e)ko apirilaren 9(a), astelehena
EUSKAL LIBURUTEGI DIGITALA
Gaur, Sancho el Sabio Fundazioaren egoitzan, Vitoria-Gasteizen, sinatu den hitzarmena alderdi biek Euskal Liburutegi Digitalaren sorreran aurrera egiteko duten asmotik dator. Liburutegi horrek digitalizazioaren aldeko apustuan sakonduko du, kasu honetan, euskal argitalpenetarako sarbidea errazteko aukera baita. ‘eLiburutegia’ liburutegi digitalak, Estatuko garrantzitsuenak, gaur egun euskal herritarrei mundu osoko egileen 16.000 titulu kontsultatzea ahalbidetzen badie (horietako asko Euskadikoak), euskaraz argitaratutako edo hizkuntza horretara itzulitako lanetan ardaztea da Euskal Liburutegi Nazional Digitalaren helburua, baita euskal egileek edo argitaletxeek argitaratutako lan guztietan ere.
“Gaur egun, liburutegi batek ez du zertan gune fisikoa izan, hau da, zenbait zerbitzu digital kontsultatzea ahalbidetzen duen plataforma izan daiteke. Euskal Liburutegi Nazional Digitalaren ideia kontzeptu horretatik abiatu da, historian zeharreko euskal egileen lana eta pentsaera biltzeko bokazioz. Sancho el Sabio Fundazioarekin egin den akordio horrek ekimen horri garai hurbilenetik, XX. eta XXI. mendeetatik, hasita heltzea ahalbidetzen digu, liburuen edizioaren arloan ardaztuta; hala ere, Euskal Liburutegi Nazionalaren proiektua haratago doa eta ikus-entzunezko, margolaritzako edo musikagintzako ekoizpena ere bildu nahi dugu, eta denboran atzerago joan”, adierazi du Bingen Zupiria sailburuak.
Bere aldetik, Vital Fundazioaren presidentearen hitzetan, “egungo proiektua da, egungo funtsak dituena eta euskal literatura-lan garaikiderako sarbide askea emateko planteatua. Euskal Liburutegi Nazional Digitala literatura-lan esanguratsuenen edizio digitaletarako sarbidea izango da, eta horien artean, saiakera, haur-literatura, gazte-literatura, komikiak, eta egile garaikideena ere”. “Sancho el Sabio Fundazioarentzat, dokumentu-funtsen digitalizazioan aitzindaria den aldetik, hitzarmen honek beste aurrerapauso bat egitea dakar, egungo literatura ekoizpena sarbide askean hedatzea ahalbidetuko duen urratsa, hain zuen ere, egile, edizio eta hedapen eskubideak errespetatuz. Eskura dauden edukiak handituz eta egungo irakurleen interesetara egokituz”, erantsi du Urrestik.
Joxean Muñoz Kultura sailburuordea, eta Jesús Zubiaga Sancho el Sabio Fundazioaren zuzendaria ere izan dira hitzarmen honen aurkezpenean. Muñozek lankidetza horren garrantzia azpimarratu du, “asmo handikoa eta Euskadirako beharrezkoa” den egitasmoaren sorrerari begira. “Euskadirako Liburutegi Digital egitasmo partekatua bultzatzea da gure helburua, eta kultura arloko funtsezko eragileekin egin nahi dugu, Sancho el Sabio Fundazioarekin, kasurako. Lehendabiziko urrats honek, Liburutegi horren sustapenari begira, egin nahi dugun ibilbidea nolakoa izango den islatzen du”, erantsi du Joxean Muñozek.
Jesús Zubiaga Sancho el Sabio Fundazioaren zuzendariak ildo beretik adierazi duenez, “azken hamabost urte hauetan, Eusko Jaurlaritza eta Sancho el Sabio Fundazioaren arteko harremana etengabea izan da. Fundazioak bateratze lanetan lagundu du eta, legealdiz legealdi, Jaurlaritza buru izan duten batzorde eta kontsultetan. Funts digitalizatuak, Euskal Bibliografia Ondareko 3.000 tituluz Eusko Jaurlaritzan dagoen web bat, Eusko Lege Biltzarreko Liburutegiko funts digitalizatuak edo Liburuklik egitasmoa dira Sancho el Sabio Fundazioak Esko Jaurlaritzak bibliografia-ondarearen hedapenari buruz proposatutako egitasmo guztietan parte hartzeko gogoaren adibideak”.
XXXI. MADALEN SARIAK: lanak aurkezteko epea, irekia
Abian dugu aurtengo Madalen Sariak literatur lehiaketa, Errenterian bizi direnen edo ikasten dutenen artean euskaraz idazteko ohitura sustatzeko asmoz.
Parte hartzeko baldintza bakarra da Errenterian bizitzea edota Errenteriako Lehen Hezkuntza, DBH, Batxilergo edo Lanbide Eskolako ikaslea izatea.
Lanak aurkezteko azken eguna: apirilaren 13a.
2018(e)ko martxoaren 6(a), asteartea
2018(e)ko otsailaren 23(a), ostirala
Marie de Jongh antzerki konpainiak “Izar” lana arukeztuko du otsailaren 23an, ostirala
Eguna: otsaialk 23 (ostirala).
Ordua: 18:00.
Lekua: Niessen Kulturgunea.
Sarrera: 3 euros
Fitxa artistikoa:
- Zuzendaritza: Jokin Oregi.
- Antzezleak: Anduriña Zurutuza, Javier Renobales, Ana Meabe eta Ana Martínez.
Izar, sei urte eskas dituen neskato hauskorra den arren, dagoeneko ospe handiko piano-jole bihurtzeko bidean da. Gurasoek ezarri dioten diziplina zorrotzari esker, neskatilaren trebezia maila gorenera iritsi da.
Izarrek ez du hazi nahi, pozarren bizi da bere haurtzaro distiratsuan. Baina Bizitzak, hain goraberatsu eta ezusteko izaki bihurriak, bestelako patua ekarri dio, ustegabeko labirinto emozionala. Handik aterako bada beste izar baten gidaritza beharko du; ez baina edonolako izarra, itsas-izarra baizik
2018(e)ko otsailaren 5(a), astelehena
IRAKURKETA HOBETZEKO EGITASMOA, IRAKURKETA PLANA
Euskadiko Irakurketa Plan berria aurkeztu du Cristina Uriartek,ikasleen irakurmena hobetzeko asmoz.
Testuak ondo eta zuzen ulertzeak eragin zuzena du ikasgai guztietan.
Testuak ondo eta zuzen ulertzeak eragin zuzena du ikasgai guztietan.
Helburuak:
Irakasleei ikastetxean irakurketa plana diseinatzen laguntzea, ikasleekiko jarduera hobetzeko. Hau da, ikasleen irakurmena optimizatzea. Ikaslea izan dadila…:- Beharrezko duen informazioa ulertzeko eta eskuratzeko gai
- Aisialdian, atsegina sortaraziko dion irakurketa-ohitura hartzeko gai
- Ahozko zein idatzizko komunikazioa hobetzeko gai.
- Lanerako ardatzak
IRAKURTZEN IKASI: Irakurtzeko gaitasuna lantzea da.
| ||||||
IKASTEKO IRAKURRI: Ikasleei irakurle on izaten lagundu nahi die batez ere, informazioa eta deskubrimendua eskurago izateko, eta jakinduria gehiago hartzeko.
|
IRAKURZALETASUNA: Irakurtzeko ohitura kuriositatea pizteko bidea ere badenez, irakurtzeko zaletasuna hartzeko ez ezik, irakurketaren bidez jasotzen den jakintzaz gozatzeko ere balio du.
| |||||
Elkarri josita daudenez hiru multzoak, bat hobetzen bada gainerakoak ere hobetu egiten dira.
Hezkuntza komunitate guztiari ikasleen irakurmena hobetzeko proiektu honetan parte har dezan gonbidapena egiten dion gune bat ere bada Irakurgunea,
irakurle bikainak izan daitezen, eta gehiago eta hobeto irakurriz gozatzeaz gain, konpetentzia guztiak ere gara ditzaten.
irakurle bikainak izan daitezen, eta gehiago eta hobeto irakurriz gozatzeaz gain, konpetentzia guztiak ere gara ditzaten.
Blog honetan lotura zuzena izango duzue Irakurgunea web gunera.
2018(e)ko urtarrilaren 25(a), osteguna
2018(e)ko urtarrilaren 19(a), ostirala
Mariasun Landa Sarietara lanak aurkezteko epea urtarrilaren 31n amaituko da
2018ko edizioan, herrian Gerra Zibila eta oroimen historikoa berreskuratzeko martxan jarri den ikerketarekin bat eginez, 1936-1945 garaia bizi izan zuten emakumeen bizi esperientzietara mugatuko da Mariasun Landa Sarietara aurkezten diren idazlanen gaia. Urtarrilaren 31n bukatuko da lanak aurkezteko epea.
Errenteriako Berdintasunerako Azpisailak, Berdintasunerako Kontseiluaren babesarekin, zortzigarren urtez antolatu ditu Mariasun Landa Sariak.
Ekimen hau Errenteriako Berdintasun Planaren baitan kokatuta dago eta bere helburua da gizarteko arlo desberdinetan (kultura, hezkuntza, kirola, enplegua, etab.) emakumeek Errenteriari egindako ekarpenaren berri emango duten idazlanak sustatu, aitortu eta saritzea. Sari horien bidez, emakumeek egindako ekarpena ikustarazi nahi dira, eta horrela, herri-kronika osatu.
2018ko edizioan, herrian Gerra Zibila eta oroimen historikoa berreskuratzeko martxan jarri den ikerketarekin bat egin nahi izan du, eta beraz, 1936-1945 garaia bizi izan zuten emakumeen bizi esperientzietara mugatuko da. Lehiaketaren oinarriak ikusteko egin klik hemen.
Lehiaketa honen bidez bi sari emango dituzte:
Bi idazlan irabazleak, gainera, 2018ko Oarso aldizkarian argitaratuko dira eta gure inguruko hedabide orokorretan argitaratu ditzaten ahalegina egingo du udalak. Bi idazlan irabazleen artean gutxienez bat euskaraz aurkeztutako lana izango da.
Lanak Errenteriako udaletxera (Erregistrora) helarazi beharko dira 2018ko urtarrilaren 31 bitartean.
Errenteriako Berdintasunerako Kontseiluak zortzigarren urtez antolatzen diren Mariasun Landa Sarietara gonbidatu ditu herritar guztiak, emakumezkoei deialdi berezia eginez.
2018(e)ko urtarrilaren 17(a), asteazkena
OFIZIOEN MUSIKALA EKARRIKO DU OARSOIRRIAK TALDEAK INAUTERIETARA
Oarsorriak taldeak, inauterietarako herritarrek hautatu duten gaiarekin bat eginez, OarsoIrriak Ofizioen Musikala ekimena antolatu du eta bertan parte hartzeko gobitea luzatu nahi diete errenteriar guztiei. Otsailaren 10ean izango da hori.
Honen arabera, familiek musikaz beteriko ibilbide batean parte hartzeko aukera izango dute. Ibilbidean zehar geldialdiak egingo dituzte eta taldeka koreografiak dantzatuko dituzte. Gainera, dantza kolektibo berezi bat ere egongo da eta herriko txikienetatik handienetara gorputza elkarrekin astintzeko aukera izango dute.
Ondorengo egitaraua proposatu dute:
Dantza kolektiboa ikasteko entseguak, urtarrilaren 28an eta otsailaren 3an izango dira, 17:00etan, Merkatuzarren. Bideo bat ere grabatu dute, interesdunek etxean ere dantza ikasten joateko aukera izan dezaten.
Antolatzaileek, “OarsoIrriak Ofizioen Musikala ekintza koloretsuan” parte hartzera gonbidatu nahi dituzte herritar guztiak.
Informazio gehiagorako oarsoirriak@gmail.com helbidera idatzi daiteke.
HAUR ALDIZKARIAK: GOMENDIOA
HAURREI ZUZENDUTAKO ALDIZKARIAK
Harpidetu honetara:
Mezuak (Atom)